Uji kitai merati ka dunya internet diatu mensia belumba-lumba ngiga duit. Endang mayuh cara ngiga duit ari internet semina kitai mesti deka bejaga-jaga enggai ka kena tipu. Mayuh SCAM website ti nganti mangsa nepuka diri ngagai sarang sida.
Taja pan website SCAM manah dipeda mata (professional katakan..), tang anang nyangka sida tu enda nipu. Enda semesti ia website ka manah deka nulung kitai. Mayuh kes-kes direport setiap ari. Tang sida tu enda ulih dikekang laban pengawa internet tu kadang-kadang tusah deka ditrace.
Nyadi berjaga-jaga meh kitai. Anang sampai masuk perangkap SCAM website tu. Taja pan aku ukai expert dalam hal tu tang aku deka meri PERINGATAN.
Dinga ka cherita aku tu (pasal pengalaman aku empu):
Mula-mula suba aku sigi endang amai minat deka enggau urang melabur enggau ngaga bisnis kediri dalam dunia internet. Sigi mayuh bup dibaca. Ukai semina bup, kajian pan digaga ngambi ka enda kena tipu. Taja pan pia, aku ngasaika ilmu aku empai cukup. Lalu aku meli bup ba internet, bookstore enggau ni-ni endur ti bisi nyual bup pasal bisnis internet tu. Belajar utai tu sigi endang ngambi masa ti lama. Baka aku udah tiga taun baru aku nabakka diri dalam dunya bisnis enggau melabur.
Keterubah aku join program affiliation ianya SFI Marketing ti ditubuhka ba menua Amerika Syarikat. Maia nya sigi top program-program MLM enggau Sistem Pyramid. Udah sebulan aku join group tu, nadai ga asil diulih. Bagi aku masu masa aku aja. Dah la maia masuk bebayar, tang nadai pulangan enggau hasil. Sigi endang duduk depan komputer tiap-tiap abis kerja pejabat. Di rumah pan sama, sampai ka makai pan enda lalu.
Mayuh cara aku advertised dikena aku narit customer, tang siko nadai meh meli. Manah nyabut bulu mata ngambika ngeleda ari mimpi jai, keno ko jako. Udah nya aku ngetu. Tusah ati ngenang utai nya. Nyamai agi mabuk lalu tinduk ari ka bepikirka utai bakatu. Bakanya pikir aku maia nya. Ngetatka pemedis ati laban ka enda teulih ka hasil.
Selang dua tiga bulan udah nya, aku bisi nerima e-mail ari COCA COLA Company ari SWEDEN ti madah ka aku menang sweeptakes ari cabutan e-mail. Sida tu madah e-mail aku dipilih laban lumor e-mail aku ngena, keno ko sida nya. Nyadi aku bulih duit Pound Sterling 800,000.00!
Bayangka kitak enti bala iban ti kena 800,000.00 pound sterling. Ukai manjung aja tang lebih ari nya, siap sponsor kaban sekotak besai siko TIGER (ngenung ba baruh pun kelapa). Ukai main mimit kaban ti datai. Bisi sekeda manjung, bisi meh sekeda nempap jari. Amat baka YB aku maia nya. Ambis jari enggau kaki dikena bekira ka duit dikena mayar ai. Beribu duit ambis.
Pagi siti nerima talipaun ari Orang Putih ngena loghat Perancis ngasuh aku nyediaka duit dalam pound sterling 800.00. Keno ko sida duit tu tadi dikena mayar lawyer nguruska dokumen lalu transfer duit ngagai akaun aku. Ari nya aku mula mikirka aku udah kena tipuuu!!! Padan muka aku. Nadai kala enti menang diasuh mayar agi ngagai sida. Nama agi baka ko jako aku tadi. Nyamai mabuk lalu tinduk. Enti dipikir duit ambis udah dikena sponsor bala kaban. Akai dai! Nadai ko enggau meh. Utai ti udah nyadi, munyi ko sempama Enti Garam Disepuh Dalam Ai Udah Nya Ditarit Baru. Ni ulih bakanya.
Selang setaun, aku mula baru. Minat datai baru deka ngujika utai bukai. Kali tu aku nguji enggau orang masuk program HYIP. Belajar endang sigi pengawa aku ngambika enda kena tipu kali tu. Sekali aku tetamu ka siti program HYIP ianya 700-750.com. Invest $1 bulih $7 pagila. Apa lagi, mata udah lekat...invest $50. Udah nya tetemu agi siti program HYIP. Kali tu lebih DASYAT!. Labur $1 pagila bulih $10!. Fuh! Kaya baka tu. Pia ko runding tadi enda nemu program nya SCAM. Labur $50.
Pagi siti peda majak ngerambai duit. Makin lama makin ngerembai. Dalam sebulan udah bulih bepuluh ribu! Kaya enti baka tu. Manah aku ngeluarka duit tu, pia ko runding tu tadi. Dalam FAQ website tu madah pengeluaran duit tu ngagai akaun E-Gold ngambi masa 24 jam. Aku terus ngeluar ka $10,000.00. Enda sabar tu nganti sampaika tiduk enda ga ulih, makai enggai ga kenyang. Baka orang ka besulu, semua utai digaga enggai nyadi.
Sari siti aku ngabas akaun. Empai ga masuk. Pagi siti dak aku ngabas, empai ga masuk. Udah seminggu, empai ga masuk. Last-last baru aku nemu aku kena tipu!!! Padan muka! Baka ko aku tadi, nyamai mabuk lalu tinduk. Nadai pedis pala ngerunding.
Cerita ti ditusui aku tu endang sigi amai nyadi dalam pengidup aku. Aku arapka semua bejaga enti deka enggau orang bisnis internet tu. Mayuh cara bukai deka ngiga duit ngena internet. Chunto baka ngaga e-book kediri empu udah nya jual. Bakatu nadai rugi. Tang e-book ti digaga nuan nya mesti meri informasi ngagai orang.
Diatu aku bisi ngaga e-book kediri empu. Enti enggai ngaga pan nadai ngawa. Beli ka nuan e-book ba internet ti bisi ngembuan MASTER RESELL RIGHT. E-book ti bisi label tu tau dijual nuan baru ngena rega nuan. Kadang-kadang sida meri nuan siap enggau websites template ngambi nuan enda ibuh/kiruh ngubah ia semina nuan ngubah PAYPAL akaun nuan. Aku diatu bisi meli siti e-book ti ngembuan MASTER RESELL RIGHT siap enggau website template lalu dijual aku ba internet ( www.virtualebiz.co.nr ). Ukai nya aja, diatu aku enggau orang dalam EBAY.COM enggau LELONG.COM.MY bejual ka barang. Tu meh cara paling selamat bagi aku.
Selamat berjaya ngagai semua raban Iban dalam dunya bisnis internet tu!
